Бұл жағдайға жақында облыстың Еңбекшіқазақ, Іле, Қарасай, Талғар аудандары мен Қонаев қаласындағы бірнеше мектептердегі асханалардың жұмысын тесерген мәслихат депуттарының өздері куә болды.
– Оқушының бір күндік ыстық тамақпен қамтылу құны 500 теңге көлемінде. Бұған мұқтаж отбасының балалары үшін асхананы жалға алушының есебінен тегін тамақ ұйымдастырылады. Бүгінде балаларды ыстық тамақпен қамту мәселесінде бірқатар мәселе туындап отырғанын жасырмау керек. Осы мәселені шешу үшін білім беру орындарына мәслихаттың арнайы комиссиясын шақырып, жағдайды таныстырып тұрамыз, – дейді Алматы облысы білім басқармасының басшысы Салтанат Беспаева.
Балалардың дұрыс тамақтанбауы салдарынан соматикалық аурулардың үлесі артып келеді. Облыстық эпидемиологиялық бақылау департаментінің инфекцияларды бақылау бөлімінің басшысы Индира Күнбасованың айтуынша, облыстағы оқушылар арасында анемия, гастрит және дуоденит, асқазанның функционалдық бұзылуы, ас қорыту жүйесінің аурулары сияқты дертке шалдыққандар көбейген.
Алматы облысы
