Аймақтар • 30 Қыркүйек, 2022

Электр желілері жаңартылды

56 рет көрсетілді

«Талдықорған акционерлік көлік-электр желілері компаниясы» АҚ электр желілері мен жабдықтарын жөндеп, электр тораптарын дамытып жатыр. Биыл да бұл үрдіс жалғасын тапты. Кәсіпорын өңір орталығы – Талдықорған мен өнеркәсібі өрге басқан Текелі қалалары бойынша жаңғырту жұмыстарын жүргізіп, ескірген электр желілерін жаңартты.

Осы жылы акционерлік қоғам­ның электр желілерін жаңғырту бойын­ша 695 млн теңге бөлінген. Бүгінде өңірдегі нысандарда жүйелі жұмыс жүргізіліп жатыр. Біз алдымен Талдықорған қаласындағы 10 кВт-тық №6 тарату пунктінің жаңғырту жұ­мыс­тарымен таныстық. Мұнда автоматтандырылған заманауи құрылғылар орнатылған. Ес­кірген релелік қорғаныс және авто­матика құрылғылары мен жаб­дықтары толықтай ауыстырылып, вакуумды ажыратқышқа көшкен.

Осыдан кейін №5 тарату пунк­тіне ат басын бұрдық. Бұл нысанға да жаңа құрылғылар алынғанымен, әлі орнатылмаған. Мамандардың айтуынша, жаңа құрылғылар шамамен екі апта­ның ішінде қойылмақ.

Келесі кезекте Текелі қаласы бойынша атқарылып жатқан жұмыс­тарды көріп қайттық. Мұнда 13 шақырым – 6 кВт, 29,1 шақырым – 0,4 кВт электр желілері ауыстырылды. Қолданыстағы қапталмаған 6/0,04 кВт-тық электр желілері оқшауланған же­лі­лерге ауыстырылуда. Әзірге 42,1 шақырымның жартысына оқшауланған аспалы электр же­лілері тартылды. 10-кірістегі ток трансформаторы қойылды. Барлық жұмыс желтоқсан айына дейін аяқталмақ.

«Талдықорған акционерлік көлік-электр желілері компания­сы» АҚ техникалық директоры Дәулет Шәбденұлы инвес­тициялық бағдарламаның және активтерді жаңғырту бо­йынша атқарылып жатқан жұ­мыстарға кеңінен тоқталып, алдағы жос­парларымен бөлісті.

«Келесі кезекте ҚС-110/35/10 кВт болатын №159 «Қарабұлақ» жаңғырту бойынша 10 кВт К-37 желілік ұяшықтарды вакуумды ажыратқыштары бар «К-59» сериялы ұяшықтарға ауыстырылады. Сонымен қатар үйдің ауласында тұрған ағаш электр бағаналары сыртқа шығарылып, темірбетонға ауыстырылады», деді Д.Шәбденұлы.

Кездесу соңында Ұлттық экономика министрлігі Табиғи монополияларды реттеу комитетінің Жетісу облысы бойынша департамент басшысының орынбасары Ғалым Тойлыбек инвестициялық бағдарламаның маңыздылығына, атқарылған жұмыстың ауқым­дылығына тоқталып, кәсіпорын қызметкерлерінің жұмыстарына сәттілік тіледі.

 

Жетісу облысы

Соңғы жаңалықтар

Айтып келген апат

Аймақтар • Кеше

«Мың бала» жеңімпаздары

Руханият • Кеше

Ақиқаттың ай дидары – баспасөз

Егемен Қазақстан • Кеше

Ынтымақтастық ықпалы

Экономика • Кеше

Жаңа форматтағы сауда

Экономика • Кеше

Жөтелге жеңіл қарамаңыз

Медицина • Кеше

Бітімгершілік сардарлары

Қазақстан • Кеше

Жып-жылы жүрек буындай

Әдебиет • Кеше

Дауыстың да түсі бар

Әдебиет • Кеше

Ұқсас жаңалықтар