Аймақтар • 03 Қазан, 2022

Саудагерлердің шығынын кім өтейді?

393 рет көрсетілді

Көне шаһардағы жаңа базарда ала таңнан өрт шықты. Салдарынан отызға жуық нысан тілсіз жаудың құрсауында қалып, сау-тамтығы қалмай жанып кетті. Деректерге сенсек, өрт 600 шаршы метр аумаққа дейін жеткен. Шығынға батып шырылдаған халық облыстық әкімдіктің алдына келіп, өңір басшысымен кездеспек болды. Жан бағып отырған кәсібінен қас пен көздің арасында айырылып қалған жұрт шығынды кім өтейтінін білгісі келеді.

Өңірді Қанат Бозымбаев басқарған жылдары орта­лық­тағы «Көк базар» жойылып, орнына қаланың шеткі жағынан көп базар пайда бол­ған еді. Көп базардың ішін­де дәл осы «Ауыл бе­ре­кенің» асығы алшыдан түс­ті десек, қателеспей­міз. Сау­да­герлер де, халық та осын­­да ағылып жатты. Жа­ңа базарды жағалаған жұрт таба­нынан таусылып нәпа­қасын тауып жүрді. Сол базардан қыркүйектің соңғы күні таңғы 8-дер шамасын­да өрт шықты. Өртті сөн­діруге өңірдегі Төтенше жағ­дайлар департаментінің 56 қызметкері мен 13 техникасы жұмылдырылған.

Ызаға булыққан саудагерлер облыс әкімдігінің алды­на келіп, өңір басшысы Нұр­жан Нұржігітовпен жүздесу­ді талап етті. Түс әле­тінде кел­ген халықтың базына­сы кім-кімді де ойландырмай қоймайды. Табысынан қа­­ғылған бұқараның көңілі алаң­даулы. Жүздерінен «Енді қайтеміз?» деген сауалдың табын аңғару қиынға соқпайды.

«Базар ішіндегі асханаға қарама-қарсы тұста әжетха­на орналасқан. Қауіпсіздік ере­желері, санитарлық нор­ма неге сақталмайды? Егер барлық талап орындал­ғанда тауарымыз өртеніп кетпес еді. Бір адамның кесі­рінен қаншама саудагер зар­дап шегіп отыр. Біздің жанай­қайымызды еститін адам бар ма? Базар басшылығы бізге жауап берсін. Жергілікті атқа­рушы билік мәселені тия­нақты қарауға ықпал етсін. Өйткені біздің күнкөрісі­міз саудамызға байланыс­ты», дейді шығынға батқан сауда­герлердің бірі Ләззат Сейсенбекова.

Айқайға басқан саудагер­лердің жанайқайы түсінік­ті. Күнделікті табысынан қа­ғылған халық үшін мәселе едел-жедел шешімін тапқа­ны, өтемақының дер кезін­де төленгені керек. Әлбетте, бұл оқиғада кімнің айыпты, кімнің жазаға лайықты еке­нін арнайы құрылған жұмыс тобы пен құзырлы орган­дар анықтай жатар. Ал халық ушыққан мәселенің оңтайлы шешімі ұзаққа созылмағанын қалайды.

Топтанып жүрген сауда­герлердің айтар уәждері екі бастан белгілі. Олар әуелден-ақ өрттің шығуына базар басшылығын айыптап, дә­йек­терін де алға тартты. Ал «Ауыл береке» базарының бас­шысы Данияр Сегізбаев: «Өз тарапымыздан барлық сақ­тандыру шарасын қа­был­дағанбыз. Дер кезінде жа­рықты сөндіріп жүрміз», дейді. Оның айтуынша, өрттің тұтануына себепші болған асхана жұмысы талапқа сай көрінеді.

Облыс әкімінің бірін­ші орын­басары Нұржан Кален­­деровтің айтуынша, өрт­­тің шығуына кінәлі та­рапты анықтау процесі ұзаққа созыл­майтын көрінеді. Алайда өткір мәселе нақты қанша күнде оңынан шешілетінін ешкім тап басып айта алмады.

«Өздеріңіз айтқандай, егер өрттің тұтануына базар бас­шылығы кінәлі болса, шығындарыңызды өтеу базар басшылығының мойнына жүктеледі. Бұл бағыттағы жұмысты арнайы құрылған жұмыс тобы жүзеге асырады. Меніңше, мәселені зерделеу­ге аса көп уақыт кетпеуі ке­рек», деді жағдайды түсіндір­ген Н.Календеров.

Базардағы өрттің шы­ғу себебін анық­тау мақса­тын­­да құрылған арнайы топ­­қа жұмысты жеделдету тап­сырылған. Топ құра­мына зардап шеккен саудагерлер­дің өкілдері де енбек. Жұ­мыс тобы бірінші ке­зекте шы­ғынның жалпы сомасын анық­тауды қолға алады. Әлбетте, бұл мә­селе бойынша жұмысты жедел жүр­гізу тапсырылғанымен оқиға­ның анық-қанығын анықтау үшін біршама уақыт қажет. Ал өрттен зардап шеккен саудагерлер шығынды нақты көрсету үшін тиісті құ­жат­тарын ұсынулары керек.

 

Тараз

Соңғы жаңалықтар

Ұқсас жаңалықтар