– Мемлекет басшысының Жолдауында отандық теміржол машинасын жасауды дамыту қажеттілігі атап өтілді. Бұл аралас салаларды: металлургияны, өндіруші өнеркәсіпті дамытуға және ең бастысы, теміржол тасымалын тұрақты қамтамасыз етуге мультипликативті әсер береді, – деп атап өтті «Қазақстан темір жолы» ҰК» АҚ бас инженері Батыр Котырев.
Еліміздің вагон жасау кешенін дамыту міндеттерін талқылау үшін спикерлер ретінде саланың негізгі өкілдері шақырылды. Модельдік қатарды кеңейту және өндірістік алаңдарды қайта жарақтандыру үшін жүк вагондары паркінің иелерін де, өндірушілерді де шоғырландыруды талап ететін негізгі паркті жаңартудың ұзақ мерзімді стратегиясы атап өтілді.
Секциялық отырыста ағымдағы жағдайды, даму жоспарлары мен перспективаларын ашып көрсететін баяндамалар тыңдалды. Өндірушілер техникалық параметрлері жақсартылған жүк вагондарының жаңа модельдерін өндіруді игеру пайымдарымен, жүк вагондары мен тежегіш жабдықтарға арналған құзыреттілік орталықтарын құру ниеттерімен бөлісті.
Қатысушылардың пікіріне ден қойсақ, отырыс сала өкілдері үшін тиімді диалог алаңына айналды. Іс-шара қорытындысы бойынша саланы дамытуда пәрменді шаралар әзірлеу, сондай-ақ лизингтік компаниялармен, вагон өндірушілермен және операторлармен жүк вагондары паркін жаңарту бойынша қаржы құралдарын әзірлеу туралы дөңгелек үстел ұйымдастыру мақсатында вагон жасаудың 2030 жылға дейінгі мемлекеттік бағдарламасын әзірлеу қажеттігі туралы ұсынымдар берілді.
Секциялық отырыс қорытындысы бойынша бірлескен құжаттарға, ынтымақтастық туралы меморандумдарға қол қойылды.
Сонымен қатар шара барысында сала қызметкерлерін «Құрметті машина жасаушы» белгілерімен және «Қазақстан темір жолы» ҰК» АҚ-ның 25 жылдығына арналған мерейтойлық медальдармен марапаттау рәсімі өтті.
