Соңғы турда Үндістан құрамасымен ойнаған жерлестеріміз 2:3 есебімен жеңіліп қалды. Екі ел арасындағы тартысты бәсекеде Кирилл Герасименко екі матчта қарсыласынан басым түссе, Денис Жолудев (екі мәрте) пен Алан Құрманғалиев үндістандық спортшыларға жол берді.
Үндістан құрамасы осы жеңісінен кейін екінші топта көш бастап, плей-офф кезеңіне жолдама алды. Ал топтық кезеңде тек Өзбекстан құрамасын ғана жеңіп, Франция мен Германиядан жеңілген Қазақстан өз тобында 4-орынға тұрақтады. Десе де, биыл ұлттық құрама алғаш рет таңдаулы 32 елдің қатарына қосылды.
