Оқиға • 07 Қазан, 2022

ШҚО-да жол апаты салдарынан 25 тонна күкірт қышқылы далаға төгілді

66 рет көрсетілді

Шығыс Қазақстан облысында жол-көлік оқиғасы салдарынан тас жолға 25 тонна күкірт қышқылы төгілді, деп хабарлайды Egemen.kz облыстық Экология департаментіне сілтеме жасап.

Оқиға 5 қазанда Өскемен – Рахман қайнары тас жолының 227-ші шақырымында болған. «AM Logistic» ЖШС-не тиесілі автоцистернасы бар КамАЗ көлігі тас жолда аударылып қалған.

«Оқиға салдарынан автоцистернадан жалпы массасы 25 тонна күкірт қышқылы 50 шаршы метр жер учаскесіне ағып кетті. Күкірт қышқылын залалсыздандыру мақсатында «Казцинк» ЖШС 15 тонна әк бөлді. Топырақ жамылғысының ластану дәрежесін анықтау үшін топырақтан сынамалар алынды», деп хабарлады мемлекеттік мекеме.

Соңғы жаңалықтар

Ұқсас жаңалықтар