Жас инспекторлар слеті

Облыстық ішкі істер департаменті облыстық білім басқармасымен бірлесіп, Қарғалы ауылында орналасқан Есет батыр атындағы көпсалалы мектепте «Қозғалыстың жас инспекторлары» атты 14-ші облыстық слет өткізді. Шараның мақсаты балалардың қатысуымен болған жол-көлік оқиғаларының алдын алу, жол қозғалысы ережелерін насихаттау жұмыс­тарын жандандыру, қозғалыстың жас инс­пекторларының жұмыстарын жеті­л­діру болып табылды. Слетке қала­лық және аудандық деңгейлерде өткен қозғалыстың жас инспекторлары байқау­ларының жеңімпаздары, барлығы 140 оқу­шы қатысты. Байқау «Жол қозға­­лысы ере­желерінің білгірлері», «Жас реттеу­ші», «Білімдар», «Жас санитар», «Қауіп­сіз дөң­гелек», «Саптық қарау», «Үгіт бригадалары» сияқты жеті номинация бойынша өтті. Облыстық слеттің жеңімпаз командасы 22 маусым – 2 шілде аралығында Шығыс Қазақстан облысында өтетін «Қозғалыстың жас инспекторлары» республикалық сле­ті­не барады. Онда Қазақстанның барлық өңір­лерінен келген жеңімпаздар, сонымен қатар ТМД мемлекеттерінің командалары қатысады. Сатыбалды СӘУІРБАЙ, «Егемен Қазақстан». Ақтөбе облысы.