![Чемпиондық атағын сақтап қалды](/media/2022/10/16/1529750766_0_0_3001_1688_1920x0_80_0_0_18008ab6a686606e2a88dbe7676e0f04-1.jpg)
Осыдан төрт жыл бұрын Жапонияда өткізілген әлемдік додада үздік шыққан Балқан түбегінің өкілдері биылғы чемпионатта да алтыннан алқа тақты. 2018 жылғы біріншіліктің финалында Италияны (3:2) сүріндірген Сербия құрамасының қыздары биылғы финалда Олимпия ойындарының екі дүркін жеңімпазы (2008, 2012) Бразилиядан айласын асырды. Үш сетте – 26:24, 25:22, 25:17 есебімен жеңіске жеткен сербиялықтар осылайша қатарынан екінші рет әлем чемпионы атанды.
Ал үшінші орын үшін өткен бәсекеде төрт жыл бұрынғы финалист Италия Токио Олимпиадасының чемпионы АҚШ-тан 3:0 есебімен басым түсіп (25:20, 25:15, 27:25), әлем чемпионатының қола жүлдесіне ие болды. Топтық кезеңде өнер көрсеткен Қазақстан құрамасы 24 елдің ішінде 23-орынға тұрақтады.