Жартылай финал ойындарының қорытындысы бойынша «Ақжайық» пен «Ордабасы» Қазақстан кубогін сарапқа салатын болды. Алғашқы ½ финал матчында жасыл алаңға шыққан Оралдың «Ақжайығы» өз алаңында «Тараздың» тас-талқанын шығарды – 5:3. Екінші ойында Шымкенттің «Ордабасы» клубы елордада «Астананы» тізе бүктірді. «Астана Аренада» өткен кездесуде қонақтар 3:2 есебімен жеңіске жетті.
«Ақжайық» пен «Ордабасы» арасындағы Қазақстан OLIMPBET-кубогінің финалы 12 қарашада өтеді. Дегенмен әзірге ойынның қай қалада ұйымдастырылатыны белгісіз. Айта кетейік, Қазақстан кубогінде топ жарған команда келесі жылғы Еурокубок ойындарына жолдама алады.
