Қырғыз мәдениеті күндері басталды

Атап айтсақ, көрмелер мен концерттер, дөңгелек үстел, фильмдер мен спектакльдер. Ки­но­көр­сетілімнің алғашқы күнінде «Акыркы көч» (режиссері Б.Мұ­құл), «Дарак ыры» (режиссері А.Да­йырбеков), «Шамбала» (режис­сері А.Суйундуков), «Көл» (режис­сері А.Суйундуков) картина­лары ұсынылды. Қырғыз киносы күн­дерінің ресми ашылуына Қырғыз Рес­публикасының Мәдениет, ақ­парат, спорт және жастар саясаты ми­нистрі Алтынбек Мақсұтов, Қа­зақ­станның Мәдениет және спорт вице-министрі Нұрғиса Дәуе­шов қатысты.

Еске сала кетейік, 2021 жылғы 2-3 наурызда ел Президенті Қасым-Жомарт Тоқаевтың шақыруымен Қыр­ғыз Республикасының Пре­зи­­денті Садыр Жапаров мемле­кет­­тік сапармен келген болатын. Келіссөздер барысында екі елдің екіжақты және көпжақты ын­ты­мақ­тастығының өзекті мәселе­лері талқыланып, мәдениет күн­дерін тепе-тең негізде өткізуге уағ­даласқан еді. Кейін Қазақстан Респуб­ликасының Мәдениет күнде­рі Қырғызстанда 2021 жылғы 7-9 қазанда Бішкек қаласында өткені есімізде. Әлқисса.

Еліміздегі Қырғыз Республи­касының Мәдениет күндері аясында Мәдениет және спорт министрі Дәурен Абаев Қырғыз Респуб­ликасының Мәдениет, ақпарат, спорт және жастар саясаты ми­нистрі Алтынбек Мақсұтовпен кез­десті. Кездесу барысында екі ел арасындағы мәдени-гумани­тар­лық ынтымақтастық мәселе­лері, атап айтқанда, Астанада Ма­нас ес­керт­кішін орнату, «Еура­зия» кино­фестивалін және көшпен­ді­лердің дүниежүзілік ойындарын өткізу мәселелері талқыланды.

Сондай-ақ Ұлттық акаде­мия­лық кітапханада екі елдің зиялы қауым өкілдерінің қатысуымен «Түр­кі әлемінің қос алыбы: Әуезов және Айтматов» форумы өтті. Іс-шара, ең алдымен екі ел ара­сын­дағы гуманитарлық байланыстарды нығайтуды мақсат етті. Атап айтқанда, тараптар екі заңғар жазушы Мұхтар Әуезов пен Шыңғыс Айтматов шығармашылығының мәдениетаралық ынты­мақ­тас­тық­тағы рөлін талқылады. Форум жұ­мысына мемлекеттік орган­дардың өкілдері, қоғам қайрат­керлері, Қазақстан мен Қырғыз Рес­пуб­ликасының шығармашылық және ғылыми зиялы қауымы қатыс­ты.

Одан бөлек 27 қазанда Ұлттық музейде қырғыз суретшілерінің шығармашылығына құрылған «Бас­тау» көрмесі ашылады. Сондай-ақ бұл күні Қ.Қуанышбаев атындағы Мемлекеттік академиялық қазақ музыкалық-драма театры сахнасында қырғыз өнер шеберлерінің гала-концерті өтеді, сазды кештің аясында Қырғызстанның тарихи-мәдени мұрасы мен қолөнерінің көрмесі де ұсынылмақ.

Ал 28 қазанда «Манас» эпосына арналған концерт және Нұр­дин Түгелов атындағы «Ақ ма­рал» мемлекеттік би ансамблі мен Чалагыз Исабаев атындағы «Қамбарқан» фольклорлық-этно­гра­фиялық ансамблінің концерті жоспарланып отыр.

Сондай-ақ 29 қазанда өтетін Мәдениет күндерінің салтанатты жабылуында Токтоболот Әбді­момынов атындағы Қырғыз ұлттық ака­де­миялық драма театрының «Саман­чының жолу» спектаклі көрсетіледі.

Айта кетейік, Қырғызстанның Мәдениет күндері делегациясын Қырғыз Республикасының Мәде­ниет, ақпарат, спорт және жастар саясатының министрі Алтынбек Мақсұтов басқарады. Мәдени іс-шараға Қырғызстаннан 300-ден астам адам қатысып отыр. Мә­се­лен, халық әртістері, халық ақын-жа­зушылары, кино майталман­дары, ғылым докторлары және КСРО халық әртісі Самара Тоқ­тақұнова бастаған қоғам қайрат­керлері, Тоқтоболот Әбдімомынов атын­дағы Қырғыз ұлттық акаде­мия­лық драма театры, Әбдылас Мал­дыбаев атындағы Қырғыз ұлттық академиялық опера және балет театры, Камералық хор және камералық оркестр Тоқтоғұл Сатыл­ғанов атындағы Қырғыз ұлттық филармониясы, Нұрдин Түге­лов атындағы «Ақ марал» мемле­кеттік би ансамблі, Шалағыз Исабаев атындағы «Қамбарқан» фольк­лорлық-этнографиялық ансамблі, Қара­молдо Орозов атындағы халық аспаптар академиялық оркестрі, Асанқан Жұмахматов атындағы Мемлекеттік академиялық сим­фониялық оркестрі, «Манас» ұлт­тық театры, Қырғызстан жазушылары, суретшілері мен кинематографистер одағы, Қырғызстан ұлттық тарихи музейі, «Ақақ» комузистері, дизайнерлер мен режиссерлер – қойылым тобы бар.