Ынтымақтастық тереңдей түспек

Сыртқы істер министрі Ерлан Ыдырысов Сауд Арабиясы Ауыл шаруашылығы ми­­нистрі­нің орынбасары Уалид бен Абдул Карим Әл-Хариджи және Мемлекеттік ауыл­ша­руа­­шылық ұйымының басшысы Халид бен Мұхаммад Әл-Фахидпен кездесті. Сұхбаттасушылар екіжақты қаты­настардың қазіргі жағдайы мен болашағын, оның ішінде сауда және инвестиция, энергетика және ауылшаруашылық салаларындағы ынтымақтастықты талқылады. ҚР СІМ басшысы екі ел арасындағы ынты­мақтастықтың өте жоғары деңгейде екендігін, бұған екі мемлекет басшыларының арасында орнаған мықты достық және сенімге негізделген қатынастар себеп екенін атап өтті. Е.Ыдырысов сұхбаттасушыларды Қазақ­стан­ның уран өндіру саласындағы әлем­дік көшбасшылығын ескере отырып, атом энергетикасы саласында ықпал­­дасуға шақырды. Сонымен қатар, ол араб тарапын қазақстандық бидайды сатып алу мүмкіндігін қарас­тыруға және еліміздің инновациялық жобаларына қатысуға шақырды. Сауд Арабиясының өкілдері Қазақстанмен жан-жақты ын­тымақтастықты тереңдете түсудің маңыз­ды­лығын алға тартып, ауылшаруашылық сала­сындағы қатынастарға үлкен қызығушылық білдір­ді. Кездесу соңында Е.Ыдырысов араб мейман­дарына Сауд Арабиясы Қазақстанның сыртқы саяси бастамаларын қолдағаны үшін, еліміздің бас қаласы – Астананың көркеюіне қосқан зор үлесі үшін алғысын білдіріп, бауырлас елдің халқына одан әрі гүлдену мен әл-ауқаттылық тіледі. «Егемен-ақпарат».