Жергілікті ТЖД мәліметінше, Филиппиндегі «Налгае» тропикалық дауылы 98 адамның өмірін қиды. Ондаған адам із-түзсіз жоғалып кетті.
«Адамдар көшкін кезінде суға батып, құлаған ағаштардан алған жарақаттарынан қайтыс болды. Алабама штатының 61 жастағы тұрғыны жүрек соғысының тоқтап қалуынан қайтыс болды», делінген жергілікті ТЖД хабарламасында.
Құтқарушылар қауіпті аймақтардан 350 мыңнан астам адамды эвакуациялады. Олар эвакуациялық орталықтарға орналастырылды. Дауыл 555 үйді зақымдап, 150-ден астам ғимаратты қиратты.
Ведомство мәліметінше, табиғи апаттан 1,8 миллионнан астам адам зардап шекті. Жолдар, көпірлер, мектептер мен үкіметтік ғимараттар қирады. Дауыл Филиппиннің тоғыз әуежайына да әсер етті, қазір олардың екеуі жұмыс істеп тұр. Апат салдарынан 444 рейс тоқтатылды.
Сонымен қатар 263 қалада энергиямен қамту мәселесі тіркелді. Қазір оның 94-і қалпына келтірілді.
