Президенттің халыққа уәде еткен бастамаларының барлығы да орнықты орындалып келе жатқаны қоғамның көз алдында. Сондықтан бұл жолғы ресми іс-шара да – Мемлекет басшысы 2019 жылдан қолға алған саяси реформаларды кезең-кезеңімен іске асырудың кезекті жалғасы.
Халқымызда «әділ туған заң жақсы» деген сөз бар. Бұл ретте, Президентіміз елдің қалауы мен қарапайым азаматтардың талабына үнемі назар аударып, әр шешім қабылдағанда ескеріп жүреді. Жалпы, қол қойылған алты заң да – Президент айтқан әділеттілік, ашықтық және жанашырлық қағидаттарына негізделген мемлекетіміздің демократиялық бағыттағы кезекті кезеңіне жол ашатын құқықтық құжаттар. Ал мұның барлығының бастауында маусым айында жалпы республикалық деңгейде өткізілген референдум нәтижесі негізін қалаған – халық таңдауы тұрғаны анық.
Аида БАЛАЕВА,
Президент Әкімшілігі Басшысының орынбасары
