Шараға Астана қаласы әкімінің орынбасары Есет Бәйкен, халықаралық байқаушылар мен елордалық сайлау комиссияларының төрағалары қатысты.
«Елордада барлығы 407 сайлау учаскесі бар. Оның 68-і Қазақстанның шетелдегі өкілдіктерінің жанында орналасқан. Астанада халық санының көп болуына байланысты 59 жаңа сайлау учаскесі ашылды. 20 қарашада сайлау учаскелеріне 768 мыңнан астам сайлаушы келеді деп күтудеміз», деді Астана қаласы аумақтық сайлау комиссиясының төрайымы Бақыт Бектемісова.
Оның айтуынша, елдегі сайлау учаскелерін кезектен тыс президенттік сайлауға дайындау жұмыстары аяқталуға жақын.
