Қазақстан мен Жапония құрамалары бұған дейін бір-бірімен төрт рет кездесіп, төртеуінде де Күншығыс елі өкілдерінің мерейі үстем болған еді. Дүйсенбіде өткен екі ел арасындағы бесінші матчта да Жапония құрамасы жерлестерімізден айласын асырып кетті. Бірінші кезеңде Қазақстан баскетболшылары қарсыластарына аздаған басымдықпен жол берсе (14:16), екінші он минуттықта бақандай 16 ұпайға қалып қойды.
Ал үшінші және төртінші кезеңдерде Қазақстан құрамасы ұпай олжалауды қойды. Отандастарымыз үшінші кезеңде 27 ұпай айырмашылығымен жеңілсе, соңғы ширекте Жапония басымдығын 30 ұпайға дейін арттырды. Қорытынды есеп – 81:61. Қазақстан құрамасы бұл жеңілістен кейін F тобының турнир кестесінде 5-орынға түсіп қалды.
