Қазақстан • 27 Қараша, 2022

Бірқатар өңірде жол қозғалысына енгізілген шектеу алынды

140 рет
көрсетілді
1 мин
оқу үшін

Еліміздің алты өңірінде жол қозғалысына енгізілген шектеу алынды, деп хабарлайды Egemen.kz ҚазАвтоЖол баспасөз қызметіне сілтеме жасап.

Бірқатар өңірде жол қозғалысына енгізілген шектеу алынды

«Жүк және қоғамдық көлік қозғалысына енгізілген шектеу Ақмола, Қарағанды, Павлодар, Қостанай, Солтүстік Қазақстан және Алматы облыстарында алынды. Республикалық жолдар желісінде күшейтілген режимде 220 бірлік арнайы техника мен 300 адам қысқы күтіп-ұстау жұмыстарын атқарып жатыр. Түнде 520 м3 құм-тұз қоспасы себілді», делінген хабарламада.

Сондай-ақ қазір Жетісу облысында «Алматы-Өскемен» тас жолының Көлбай ауылынан Абай облысының шекарасына дейінгі учаскесі көліктің барлық түрі үшін жабық тұр. Шығыс Қазақстан облысында Қаратал ауылынан ҚХР шекарасына дейінгі «Омбы-Майқапшағай» трассасының учаскесі жабық.

Абай облысында Жетісу облысының шекарасынан Аягөз қаласына дейінгі «Алматы-Өскемен» тасжолының учаскесінде қозғалыс шектелді.

Сондай-ақ Абай облысында Таскескен ауылына бұрылыстан Үржар ауылына дейінгі «Таскескен-Бақты» трассасының учаскесі жабық тұр.

Соңғы жаңалықтар

Су үнемдейтін қондырғы

Технология • Кеше