«ҚазТрансГаз» холдингіне («ҚазМұнайГаз» ҰК» АҚ еншілес кәсіпорны) қарасты «Интергаз Орталық Азия» компаниясы Балаларды қорғаудың халықаралық күніне орай қайырымдылық акциясын өткізіп, өзіне бағынышты бөлімшелері орналасқан өңірлерде, атап айтқанда, Ақмола, Атырау, Маңғыстау, Батыс Қазақстан, Ақтөбе, Оңтүстік Қазақстан, Қызылорда, Жамбыл, Алматы облыстарында мамандандырылған интернат-мектептеріне, ақыл-ойы кем, мүгедек, жетім және ата-ана қамқорлығынсыз қалған балаларға арналған үйлерге, сондай-ақ, арнайы медициналық балалар мекемелеріне 12 миллион теңге көлемінде қаржылық көмек көрсетті.
Компанияның бас директоры Серік Естай бұған байланысты былай деп атап көрсетті: – Өмір тек компанияның негізгі өндірістік міндеттерін шешумен ғана шектелмейді. Әсіресе, мүмкіндігі шектеулі әрі жетім жеткіншектерге көмек қашанда қажет және біздің борышымыз – оларға үнемі көмектесіп отыру, өйткені, өміріміздің болашағы балаларымызға байланысты.
«Интергаз Орталық Азия» АҚ корпоративтік қайырымдылықтың ізгілік қағидаттарын бұлжытпай ұстануды дәстүрге айналдырған. Қайырымдылық пен мейірімділік қызметінің негізгі бағыты – балаларға арналған акциялар болып отыр.
Компания қоғам алдындағы өзінің жоғары әлеуметтік жауапкершілігін сезіне отырып, өндірістік қызметін ғана емес, тұтастай алғанда, бүкіл өңірлердің әлеуметтік өміріне де қатысуды абырой деп санайды.
Осыған орай, компания білім, ғылым, денсаулық сақтау және тұрғын үй-коммуналдық шаруашылық саласындағы әлеуметтік инфрақұрылымға қолдау көрсетеді, сондай-ақ, спорт, шығармашылық, еліміздің мәдени-тарихи және рухани мұрасын дамыту мен сақтауды да қолдайды.
Марат АҚҚҰЛ,
«Егемен Қазақстан».
Компанияның бас директоры Серік Естай бұған байланысты былай деп атап көрсетті: – Өмір тек компанияның негізгі өндірістік міндеттерін шешумен ғана шектелмейді. Әсіресе, мүмкіндігі шектеулі әрі жетім жеткіншектерге көмек қашанда қажет және біздің борышымыз – оларға үнемі көмектесіп отыру, өйткені, өміріміздің болашағы балаларымызға байланысты.
«Интергаз Орталық Азия» АҚ корпоративтік қайырымдылықтың ізгілік қағидаттарын бұлжытпай ұстануды дәстүрге айналдырған. Қайырымдылық пен мейірімділік қызметінің негізгі бағыты – балаларға арналған акциялар болып отыр.
Компания қоғам алдындағы өзінің жоғары әлеуметтік жауапкершілігін сезіне отырып, өндірістік қызметін ғана емес, тұтастай алғанда, бүкіл өңірлердің әлеуметтік өміріне де қатысуды абырой деп санайды.
Осыған орай, компания білім, ғылым, денсаулық сақтау және тұрғын үй-коммуналдық шаруашылық саласындағы әлеуметтік инфрақұрылымға қолдау көрсетеді, сондай-ақ, спорт, шығармашылық, еліміздің мәдени-тарихи және рухани мұрасын дамыту мен сақтауды да қолдайды.
Марат АҚҚҰЛ,
«Егемен Қазақстан».
