Ташкент татамиінде ел намысын қыздар құрамасынан былтырғы Токио Олимпиадасы мен әлем чемпионатының қола жүлдегері Софья Берульцева (+ 68 кило), халықаралық турнирлердің жеңімпазы Лаура Әліқұл (-68 кило), биылғы Ислам ойындарының жүлдегері Әсел Қанай (61 кило), Әлем кубогінің иегері Әсемгүл Ердәулет (55 кило) және Диана Әлиманова (50 кило) қорғайды.
Ал ерлер арасындағы бәсекеде Азия чемпионы, Азия ойындары мен әлем біріншілігінің қола жүлдегері Данияр Юлдашев (84 кило), әлем чемпионатының қола жүлдегері Нұрқанат Әжіқанов (75 кило), Сары құрлық додасының қола медаль иегері Игорь Чихмарев (84 кило), сондай-ақ Диас Ұлбек, Бейбарыс Жаңбыр, Нұрнияз Елдашов (+84 кило), Дидар Әмірәлі (67 кило), Қайсар Алпысбай (60 кило) және Низамиддин Қалматов (55 кило) сынға түседі.
Айта кетейік, Қазақстан құрамасы Азия біріншілігінде тек кумите бағдарламасында бақ сынайды. Ката сынында қазақстандықтар татамиге шықпайды.
