«Риддердегі ЖЭО-да алты қазандық бар, оның үшеуі орташа, екеуі жоғары қысымды. Оның үстіне осы алты қазандықтың екеуі жоғары қысымды металл сынықтары күйінде болған, оларда кабель мен сым мүлдем жоқ. Қалған төрт қазандық, өкінішке қарай, ең нашар жағдайда болды», деді Даниал Ахметов Үкіметтің кеңейтілген отырысында.
Ол күрделі шаралар қолға алынғанын, сонымен қатар жұмысқа 150-ден астам қызметкер тартылғанын айтты.
«Бүгінде жағдай тұрақтанды, оның үстіне мен айтқан екі қазандықтың ішінде төртінші жоғары қысымды қазандық іске қосылды, бесіншісінде жұмысты жалғастырып жатырмыз, ол іске қосылады. Бір аптадан кейін пайдалануға беріледі. Риддер қаласын жылумен қамтамасыз ететінімізді нақты білеміз», деп қосты Ахметов.
