Түнде Кентау қаласының көшелерінің бірінде полицейлер «Мерседес» көлігін тоқтатты. Тәртіп сақшылары тексеру кезінде көліктен үш қару тапты. Айғақты зат ретінде алынған екі кесілген шолақ мылтық пен қатты диск сараптамаға жіберілді. Бұл факт Қазақстан Республикасының Қылмыстық кодексінің 287-бабына сәйкес «Қаруды, оқ-дәрілерді, жарылғыш заттарды және жарылғыш құрылғыларды заңсыз алу, беру, өткізу, сақтау, тасымалдау немесе алып жүру» бойынша тіркелді.
Кентау қаласының тұрғыны қосымша тергеу үшін полиция бөліміне жеткізілді. Қазіргі уақытта бұл факті бойынша сотқа дейінгі тергеу амалдары жүргізіліп, ер адамның қаруды қандай мақсатта сақтағаны анықталуда.
