Алматы-Астана тасжолында екі адам қаза тапты

Prado көлігі Астанаға қарай солтүстік бағытта жылжыған, ал Avensis - Алматыға қарай бет алып келе жатқан.

Алдын ала болжам бойынша, Avensis жүргізушісі ауа райының қолайсыздығына байланысты көлік тізгінін басқара алмай, оған қарсы қозғалыс жолағына шығып кеткен. Нәтижесінде, ол Prado көлігімен соқтығысты. Соққыдан екі көлік те жол жиегіне шығып кеткені анықталды.

Апат салдарынан екі жүргізуші де көз жұмды.

Қазір тиісті сараптамалар тағайындалып, тергеу жұмыстары жүргізілуде.