Спорт • 12 Қаңтар, 2023

Қазақстан студенттері Дүниежүзілік қысқы Универсиадаға қатысады

358 рет

көрсетілді

1 мин

оқу үшін

Қазақстан студенттер құрамасы АҚШ-та өтетін ХХХІ Дүниежүзілік қысқы Универсиадада өнер көрсетеді. Салтанатты ашылу рәсімі бүгін «Olympic Center» алаңында өтеді. Спорттық жарыс 2023 жылдың 22 қаңтарына дейін жалғасады, деп хабарлайды Egemen.kz Ғылым және жоғары білім министрлігіне сілтеме жасап.

Жанболат Кенжеғұл

Қазақстан студенттері Дүниежүзілік қысқы Универсиадаға қатысады

FISU Дүниежүзілік студенттік ойындар деп аталатын Универсиада Олимпиада ойындарынан кейінгі ең ірі дода саналады. Қысқы Универсиадаға әлемнің 50 елінен келген студенттер қатысады.

Қазақстан намысын спорттың он түрінен 78 спортшы қорғайды. Студенттер биатлон, сноуборд, шаңғы, тау шаңғысы, шорт-трек, мәнерлеп сырғанау, шаңғы қоссайысы, коньки, шаңғымен трамплиннен секіру және шайбалы хоккей секілді спорт түрлерінен бақ сынайды.