Аталған іс-шараның алғашқы күні нейрохирург Мыңжылқы Бердіқожаев нейрохирургиялық бейіндегі аурулары бар 30 науқасқа консультациялық қабылдау жүргізді. Оның 7,2%-ы ауылдық жерлердің тұрғындары. Сондай-ақ 4-5 күн бұрын инсульт алған 55 жастағы пациентке бас миының ішіндегі омыртқа артериясының тарылуына байланысты стенд қою операциясын жасады. Осы тектес операциялар іс-шара аясында 2 күн қатарынан жүргізілмек. Жалпы, өткізілетін операциялардың саны – 10-ға жуық. Оған қоса шұғыл келіп түскен науқастарға да операция жасалуы мүмкін.
Іс-шараның ғылыми бөлімінде танымал нейрохирург Мыңжылқы Бердіқожаев «Церебральды аневризманы емдеу» тақырыбында баяндама оқиды. Дәрігер өз баяндамасында Алматы қаласындағы «Орталық клиникалық аурухана» АҚ-ның Нейрохирургия орталығының кейінгі жеті жылдық тәжірибесіндегі ми қантамырлары аневризмасының жарылуының алдын алу, оны емдеуде енгізілген түрлі әдістері туралы айтады.
Осынау сапар барысында Президент Іс басқармасының медициналық орталығы ауруханасының дәрігерлері медицинаның басқа да бағыттары бойынша тәжірибе алмасып, Президенттік клиниканың көптеген қызметімен таныстырады.
