Талапқа сай талпыныс

Мұндай заманауи технологиялар кітапханаға келген оқырмандардың уақытын үнемдеп қана қоймай, қажетті кітаптармен қамтамасыз етеді. Бұл сондай-ақ кітапханашыларға кітапхана қоймасындағы кез келген кітап немесе журналдың нақты қай сөреде тұрғанын, оны қай елдің виртуалды кітапхана сөресінен қалай тауып алуға болатындығы жайында ақпарат бере алатын мүмкіндігіне жол ашты.

Осы тұрғыда Әл-Фараби атындағы Қазақ ұлттық университетінің ғылыми кітапханасы қазіргі заман талабына сай жабдықталған әрі ТМД елдері қа­тарындағы университет кітап­ха­на­лары арасында көшбасшы атанып отыр. Кітапхана қорының саны бүгінде 2,5 миллион данаға жетті. Әл-Фараби атындағы Қазақ ұлттық университетінің Ғылыми кітапханасы университетпен бірге 1934 жылы құ­рыл­ды. 2012 жылы Шығыс стилінің элементтерімен үйлесіп, жаңа технологиялармен және коммуникациялық шешімдермен жабдықталған жалпы ауданы 17 856,6 шаршы метр болатын жаңа бес қабатты ғимаратқа көшті. Әл-Фараби кітапханасы жаңа технологияларды белсенді меңгеруде. Кітапханада RFID-технология негізінде автоматтандыру жүйесі енгізіліп, нәтижесінде «ИРБИС 64» автоматтандырылған кітапханалық-ақпараттық жүйесі (АКАЖ) интеграциялану және университет қызметкерлері мен білім алушыларының университеттік бірың­ғай идентификациялық карталарын (ID-карта) оқырман билеттері ретінде пайдалану мәселелері іске асырылды. Дәстүрлі оқырман форму­ля­рының орнына барлық қызмет көрсететін бөлімшелер үшін бірыңғай электрондық оқырман формуляр келді. Онда құжаттар мен кітаптарды қайтару мерзімі, сақтап бақылау, берілген уақыты туралы барлық ақпарат толық көрсетілген. Осылайша, оқырманның бірыңғай базасы әрбір оқу залында, абонементте тіркеу картотекаларын жүргізу қажеттілігінен арылды, ал бірыңғай формуляр барлық қызмет көрсету пункттерінде қайтару мерзімін бақылауға және әдебиетті қайтаруды кешіктіруге байланысты жағымсыз жағдайлардың алдын алуға мүмкіндік берді. Сонымен қатар оқу залында RFID технологиялар негізінде жұмыс істейтін және оқырмандарға таңдалған әдебиетті өз бетінше тіркеуге және оны үш күнге дейін ресімдеуге мүмкіндік беретін өзіне өзі қызмет көрсету стансалары орнатылған.

Сонымен қатар «Планскан А2-300» көшіру аппараттары мен пла­­нетарлық сканер орнатылған. Оның көмегімен кітапхана пайдала­ну­шы­ла­ры таңдаған әдебиеттің қа­жет­ті беттерін тегін сканерлеп, өзі­­нің USB-флеш-жинақтағышқа жі­бе­ре алады. Осылайша, заманға сай жа­сал­ған бетбұрыс, оқытушылар мен студенттердің ғылымға деген қы­зы­ғушылығын одан сайын арттыра түсуіне ықпал етеді.

Толқын Мұқажанова,

Әл-Фараби атындағы
ҚазҰУ доценті, тарих ғылымдарының кандидаты,

Ұлпан Жапсарбай,

Әл-Фараби атындағы ҚазҰУ магистранты