Стокгольмде өткен финалдық бәсекеде Дания мен Франция құрамалары кездесті. Бұған дейін қатарынан екі әлем чемпионатында дара шыққан даниялық гандболшылар франциялықтарды 34:29 есебімен тізе бүктіріп, қатарынан үш әлем біріншілігінде үздік шыққан тұңғыш құрама атанды. Олар бұған дейін 2019 және 2021 жылдардағы әлем чемпионаттарында жеңіске жеткен болатын.
Сондай-ақ Дания спортшылары 2016 жылғы Рио Олимпиадасында, 2008 және 2012 жылдардағы Еуропа чемпионаттарында топ жарды. Қола жүлдені Швецияны 39:36 есебімен жеңген Испания құрамасы жеңіп алды.
