Хоккей • 02 Ақпан, 2023

А дивизионына жолдама

169 рет
көрсетілді
1 мин
оқу үшін

Болгарияның бас шаһары – Софияда ұйымдастырылған шайбалы хоккейден қыздар арасындағы (U-18) екінші дивизионның В тобындағы әлем бірін­шілігі мәресіне жетті.

А дивизионына жолдама

Қазақстанның қыздар құрамасы А дивизионына жолдама алу үшін Исландия, Жаңа Зеландия, Болгария, Бельгия және Эстония хоккейшілерімен сынға түсіп, В тобының жеңімпазы атанды. Бес ойынның бәрінде қарсыластарын тізе бүктірген жер­лестеріміз 15 ұпай олжалап, А дивизио­нында ойнау мүмкіндігіне ие болды. Отандастарымыз алғашқы турда Жаңа Зеландия құрамасынан басым түссе (7:1), кейіннен Болгария (8:1), Бельгия (5:3) мен Эстонияны (8:0) жең­ді. Ал соңғы, шешуші турда Исландия хоккей­шілерін 7:0 есебімен ұтты. Бұл ойында Со­фия Зубкова есеп ашса, Мәдина Юсупова, Анас­тасия Филимонова мен София Раковская есепті еселей түсті.

Ал Құрлықтық хоккей лигасында (ҚХЛ) бақ сынап жүрген елорданың «Барысы» кезекті тур ойынын Қазанда өткізіп, жергілікті «Ак Барс» клубынан 2:1 есебімен жеңіліп қалды. Айдын иелері сапынан Дмитрий Ворон­ков пен Михаил Глухов мергендік та­нытса, жерлестерімізден жалғыз шайбаны Антон Сагадеев соқты. «Барыс» келесі ойынын бүгін Мәскеудің «Динамосымен» өткізеді.