2022 жылдың үшінші тоқсанының қорытындысы бойынша барлық білім беру ұйымдары көрсеткен негізгі және жалпы орта білім беру қызметтерінің көлемі 444,9 млрд теңгені құрады. Бұл өткен жылмен салыстырғанда 12,5% - ға артық.
Қызметтердің барлық көлемі (97,3%) мемлекеттік бюджеттен қаржыландырылды: 433 млрд теңге, оған қоса жылына 12%. Халық есебінен 10,2 млрд теңгеге (плюс 36,9%), кәсіпорындар есебінен — 1,7 млрд теңгеге (плюс 27,6%) қызмет көрсетілді.
Өңірлік бөліністе негізгі және жалпы орта білім беру саласында қызметтердің ең көп көлемі Алматы облысына тиесілі болды: 48 млрд теңге — бір жыл бұрынғыға қарағанда 24% - ға аз. Одан кейін Түркістан (47,1 млрд теңге, плюс 28,5%) және Қызылорда (30,9 млрд теңге, плюс 28,4%) облыстары кіреді.
Ең аз қызмет Ұлытау (3,1 млрд теңге), Солтүстік Қазақстан (13,9 млрд теңге) және Атырау (14,4 млрд теңге) облыстарында көрсетілді.
Меншік нысандары бойынша мемлекеттік кәсіпорындар (431,4 млрд теңге, плюс 12%) ең көп қызмет көрсетті. Бұдан әрі жеке кәсіпорындар (12,4 млрд теңге, плюс 30,9%) және шетелдік кәсіпорындар (1,2 млрд теңге, плюс 15,1%).
Кәсіпорындардың мөлшері тұрғысынан ең көп қызметтерді орта компаниялар (245,8 млрд тг), одан әрі шағын (165,7 млрд тг) және ірі (33,4 млрд тг) кәсіпорындар көрсетті.
Биыл қаңтар айының қорытындысы бойынша орта білім беру қызметтерінің бағасы бір жылда 9,5% - ға өсті.
Бағаның өсуін Павлодар облысының тұрғындары қатты сезінді: бірден 26,1% - ға өсті. Сондай-ақ айтарлықтай өсім Түркістан (плюс 23,3%) және Атырау (плюс 22%) облыстарында тіркелді.
Сектордағы бағаның ең төмен жылдық өсімі Қарағанды және Ұлытау облыстарында тіркелді: 0,7%. Ақмола, Ақтөбе, Алматы және Жетісу облыстарында баға өзгеріссіз қалды.
Гүлшахра САНСЫЗБАЙ
