Халықаралық футбол федерациясы (ФИФА) 2022 жылдың ең үздік қақпашысына табыстайтын The Best сыйлығына мына футболшылар үміткер: Тибо Куртуа («Реал», Бельгия құрамасы), Яссин Боно («Севилья», Марокко құрамасы) және Эмилиано Мартинес («Астон Вилла», Аргентина құрамасы). Кеңейтілген тізімнен Алиссон («Ливерпуль», Бразилия) және Эдерсон («Манчестер Сити», Бразилия құрамасы) шығып қалды.
Жылдың ең үздік қақпашысының есімі 27 ақпанда анықталады. Былтыр бұл сыйлық Лондонның «Челси» клубының және Сенегал ұлттық құрамасының қақпашысы Эдуар Мендиге бұйырған еді.
