Әлем • 13 Ақпан, 2023

Түркия мен Сирияда көз жұмғандар саны 33 мыңнан асты

350 рет
көрсетілді
1 мин
оқу үшін

Түркия мен Сирияның солтүстік-батысында болған жойқын жер сілкінісінен қаза тапқандар саны 33 мыңнан асты, құтқару жұмыстары жалғасып жатыр, деп хабарлайды Egemen.kz  Al Jazeera басылымына сілтеме жасап.

Түркия мен Сирияда көз жұмғандар саны 33 мыңнан асты

Жексенбі күні Түркияда қайтыс болғандар саны 29,605-ке жетті, ал Сирияда 4,500-ден астам адам көз жұмған.

Түркия денсаулық сақтау министрі Фахреттин Кожа жер сілкінісінен 150 сағат өткен соң Хатай провинциясында қираған ғимараттар арасынан кішкентай бала құтқарылғанын айтты.

БҰҰ мәліметінше, жер сілкінісінен кейін Сирияда 5,3 миллионға жуық адам баспанасыз қалса, екі елде 900 мыңға жуық адам ыстық тамаққа мұқтаж.