«Күн сайын дерлік мұндай иттің әр күні жаттығудан басталады, өйткені жаттығу зардап шеккендерді табудың сәтті операциясының негізі болып саналады. Десе де, барлық иттер адамдар сияқты құтқарушы бола алмайды. Ит құтқарушы болып туылуы керек. Үй жануарларының физикалық және психологиялық қасиеттері туралы ұмытпаңыз. Егер күшіктің бала кезінен қимылы шапшаң болса, ойнағанды ұнатса және әрқашан жаңа нәрсеге қызығушылық танытса - бұл иттің құтқарушы бола алатынының белгісі», деп жазады ТЖМ баспасөз қызметі.
Қазақстанның құтқарушы иттері іздеу-құтқару жұмыстарын жүргізу кезінде Түркияда тамаша нәтиже көрсеткенін атап өту керек. Олар: Джейкоб, Лига М Сириус және Аксель малинуа бельгиялық төбеттері, Чарли Кинг лабрадоры, Мирта неміс төбеті, Гринпис атты Бордер Колли.
Қазіргі уақытта ТЖМ қатарында 54 аттестатталған ит құтқару операцияларына белсенді қатысып жүр, тағы 20-дан астамы толыққанды сертификатталған құтқарушы болуға дайындалып жатыр.
ТЖМ кинологиялық есептоптарында әр түрлі тұқымды иттер қызмет етеді, атап айтқанда: лабрадор-ретриверлері, неміс төбеттері, малинуа бельгиялық төбеттері, голден ретриверлер, бордер-колли, спаниельдер, басерондар, тікірейген жүнді ретриверлер.
