Бокс • 20 Ақпан, 2023

Боксшылар Софияда жұдырықтасады

250 рет
көрсетілді
1 мин
оқу үшін

Бокстан Қазақстанның ерлер құра­масы Болгарияның бас шаһары – Софияда жалауы желбірейтін дәстүрлі «Странджа» кубогіне қатысады.

Боксшылар Софияда жұдырықтасады

20-27 ақпан аралығына жоспарланған жылдың ең ірі жарыстарының бірінде ел намысын 13 боксшы қорғайды. Олардың арасында әлем және Азия чемпионы, Олимпия ойындарының жүлдегері бар. Атап айтар болсақ, араға бір жарым жыл салып ұлттық құрамаға қайта оралған 2019 жылғы әлем чемпионы Бекзат Нұрдәулетов, Токио Олимпиадасының қола жүлдегері Қамшыбек Қоңқабаев, Азия чемпионы Асланбек Шым­бергенов және болашағынан көп үміт күтті­ре­тін жас боксшылар Болгарияда жұдырық­тасады.

София шаршы алаңына шығатындар: Ернұр Қайрат (48 кг), Кенже Мұратұлы (51 кг), Бекзат Алдамжаров (54 кг), Оразбек Асылқұлов (57 кг), Ерасыл Таңқай (60 кг), Ертуған Зейнуллинов (63,5 кг), Темірхан Тезек (67 кг), Асланбек Шымбергенов (71 кг), Нұрқанат Райыс (75 кг), Бекзат Нұрдәу­летов (80 кг), Бекзат Таңатаров (86 кг), Абзал Құттыбеков (92 кг) және Қамшыбек Қоңқабаев (+92 кг).