Кейінгі жылдары елімізде дзюдо спорты қарқынды дамып келе жатқаны баршаға мәлім. Санаулы жылдардың ішінде Қазақстан спортшылары екі дүркін Олимпия ойындарының күміс жүлдегері (Елдос Сметов), қола жүлдегері (Галбадрах Отгонцецэг), әлем чемпионы (Максим Раков), сондай-ақ Азия біріншілігі мен Азия ойындарының жеңімпазы мен жүлдегерлері атанды. Одан бөлек, талай балуанымыз халықаралық «Гранд Слэм», «Гран При» жарыстарында қарсыластарының жауырынын жер иіскетіп, мықтылығымен дараланған болатын. Сонымен қатар жуырда Францияның бас шаһары – Парижде өткен дзюдодан жылдың алғашқы «Grand Slam» жарысының аясында Қазақстан дзюдо федерациясы мен Халықаралық дзюдо федерациясы (IJF) әлемдік «Grand Slam» турнирлерін Қазақстанда да өткізу туралы келісімге келгені де қазақ дзюдосының әлемдік аренада алар орнын айқындап берді.
Астанада өткен жасөспірімдер арасындағы жарыста да елімізде аса дарынды жас өрендердің қалың шоғыры өсіп келе жатқанын анық аңғардық. Төрт күнге жалғасқан ел біріншілігінде Қазақстанның үш маңызды қаласы мен 17 облысынан келген 900-ге жуық балуан өз өнерлерін ортаға салып, бас жүлде үшін аянбай күресті. Нәтижесінде, ел чемпионатының жекелей сайыстарында Жетісу облысының өрендері мықтылығын дәлелдеді. Олар елорда татамиінде 3 алтын және 3 қола медаль олжалап, жалпыкомандалық есепте көш бастады. Одан кейінгі орындарға Қарағанды облысының балуандары (2 алтын, 2 күміс, 4 қола) мен Жамбыл облысының жампоздары (2 алтын, 1 күміс) жайғасты. Жас балуандар 16 салмақ дәрежесінде бақ сынады.
Ал аралас командалық сайыста Қарағанды облысының өкілдері үздік шықты. Финалда қарсыластарына есе жіберген Жетісу облысының командасы күміс жүлдені қанағат тұтса, Түркістан облысы мен Жамбыл облысының дзюдошылары қола медальге ие болды. Қазақстан чемпионатының қорытындысы бойынша 2023 жылғы Қазақстан жасөспірімдер құрамасы жасақталады.
Дзюдодан жасөспірімдер арасындағы Қазақстан чемпионатының жеңімпазы мен жүлдегерлері:
Ұлдар:
50 кг: 1. Ерхан Мұрат (Атырау облысы) 2. Ернұр Батырғали (Түркістан облысы) 3. Дамир Сырлыбай (Түркістан облысы) 3. Нұрбол Асқар (Жетісу облысы);
55 кг: 1. Оралбек Байзақ (Қызылорда облысы) 2. Мағжан Аманжолов (Ақтөбе облысы) 3. Бағдәулет Қабдешов (Алматы) 3. Қайрат Жеңісұлы (Алматы облысы);
60 кг: 1. Нұрсұлтан Ысқақов (Жамбыл облысы) 2.Мейрамбек Дидар (Қызылорда облысы) 3. Изтай Темірлан (Алматы) 3. Нұргелді Қанат (Маңғыстау облысы);
66 кг: 1. Ислам Абай (Шымкент) 2. Ақниет Шайменов (Шымкент) 3.Еркебұлан Орынбаев (Қостанай облысы) 3. Нұртаза Төлеген (Қызылорда облысы);
73 кг: 1. Еділ Ерболұлы (Алматы облысы) 2. Нұрбек Зауза (Атырау облысы) 3. Әділбек Біржанов (Алматы) 3. Бауыржан Кемелқожа (Алматы облысы);
81 кг: 1. Досбол Балғабай (Қостанай облысы) 2. Санжар Ерұланұлы (Қарағанды облысы) 3. Глеб Азаров (Қарағанды облысы) 3. Жасұлан Саин (Маңғыстау облысы);
90 кг: 1. Алдияр Сайн (БҚО) 2. Дінмұхаммед Нысанбай (Қызылорда облысы) 3. Асқар Біржанов (Қарағанды облысы) 3. Берікбол Жұманбеков (Абай облысы);
+90 кг. 1. Шерхан Алпанов (Қарағанды облысы) 2. Ұлан Құмарбай (Алматы облысы) 3. Әлихан Назымханов (Түркістан облысы) 3. Алмас Темірқұлов (Қарағанды облысы);
Қыздар:
40 кг: 1. Сабина Юлдашева (Шымкент) 2. Тамила Әлиханова (Абай облысы) 3. Зере Өтепқали (Атырау облысы) Әсел Русланова (Атырау облысы);
44 кг: 1. Іңкәр Құралбай (Жамбыл облысы) 2. Гүлхан Шыңғысхан (Атырау облысы) 3. Сапаргүл Мұхтарова (Астана) 3. Айзат Наукенова (Қарағанды облысы);
48 кг: 1. Нұрбала Зайнул (Түркістан облысы) 2. Алина Ямашева (Қарағанды облысы) 3. Кира Кегай (Жетісу облысы) 3. Маржан Кальмен (Алматы облысы);
52 кг: 1.Аяулым Қайрат (Қарағанды облысы) 2.Нұрай Бақыт (Қызылорда облысы) 3.Аяулым Қалмырза (Түркістан облысы) 3.Карина Когай (Жетісу облысы);
57 кг: 1.Нұрай Жеңіс (Жетісу облысы) 2.Аяулым Исаева (Алматы) 3.Мәруа Белбаева (Алматы) 3.Шынар Бітімбай (Атырау облысы);
63 кг: 1. Сағира Әділ (Жетісу облысы) 2. Дильназ Досберген (Жамбыл облысы) 3. Дария Бейсембекова (Түркістан облысы) 3. Жібек Жайсанбай (Қызылорда облысы);
70 кг: 1. Сәулемай Сағитжан (Ақтөбе облысы) 2. Аниса Ибатолла (Атырау облысы) 3. Аружан Әбдіқалықова (Ақтөбе облысы) 3. Әмина Файзулина (Астана);
+70 кг: 1.Нұршат Кемелханқызы (Жетісу облысы) 2. Айымзада Думанқызы (Атырау облысы) 3. Көркем Бақытбек (Қызылорда облысы) 3. Гүлдана Теңелбаева (Маңғыстау облысы).
