Әлем • 24 Ақпан, 2023

Қытай Украинадағы жағдайды реттеу бойынша «бейбіт жоспар» ұсынды

387 рет
көрсетілді
2 мин
оқу үшін

Қытай Украинадағы жағдайды реттеу бойынша 12 тармақтан тұратын өз ұстанымын жариялады, деп хабарлайды Egemen.kz.

Қытай Украинадағы жағдайды реттеу бойынша «бейбіт жоспар» ұсынды

1.Барлық елдердің егемендігін құрметтеу. Үлкен немесе кіші, күшті немесе әлсіз, бай немесе кедей екеніне қарамастан барлық елдер халықаралық қауымдастықтың тең мүшелері.

2. Қырғи қабақ соғыстан бас тарту. Елдің қауіпсіздігі басқалардың есебінен қамтамасыз етілмеуі тиіс.

3. Әскери соғыс қимылдарын тоқтату. Қақтығыстар мен соғыстар ешкімге пайдалы емес. Барлық тараптар осы бағыттағы жұмыста Ресей мен Украинаны қолдауы керек.

4. Бейбіт келіссөздерді қайта бастау. Украина дағдарысының шешімі – Диалог пен келіссөздер.

5. Гуманитарлық дағдарысты шешу. Гуманитарлық көмек көлемін ұлғайту және гуманитарлық жағдайды жақсарту үшін күш салу қажет.

6. Бейбіт тұрғындар мен әскерилерді қорғау. Тараптар халықаралық гуманитарлық құқықты қатаң сақтауы, бейбіт тұрғындарға немесе азаматтық нысандарға шабуыл жасамауы, әйелдерді, балаларды және басқа да жанжал құрбандарын қорғауы және әскери тұтқындардың негізгі құқықтарын құрметтеуі керек.

7. Атом электр станцияларының қауіпсіздігін қамтамасыз ету. Қытай атом электр станциялары мен басқа да ядролық қару шабуылдарына қарсы.

8. Стратегиялық тәуекелдерді азайту. Ядролық қаруды қолдануға болмайды. Ядролық қарудың таралуы мен ядролық дағдарыстың алдын алу қажет.

9. Астық экспортын дамыту. Барлық тараптар Ресей, Түркия, Украина және БҰҰ астық бастамасын толық және тиімді түрде жүзеге асыруы тиіс.

10. Біржақты санкцияларды тоқтату. Біржақты санкциялар мен максималды қысым мәселені шеше алмайды. Олар тек жаңа мәселелер тудырады.

11. Өндіріс тізбегі мен жеткізу тізбегінің тұрақтылығын сақтау. Қытай жаһандық экономиканы саяси мақсаттағы құрал немесе қару ретінде пайдалануға қарсы.

12. Соғыстан кейінгі қалпына келтіру жұмыстарына көмектесу. Халықаралық қауымдастық қақтығыс аймақтарын қалпына келтіруді қолдау үшін шаралар қабылдауы керек. Бұл мәселеге Қытай көмектесуге дайын.