Жас әншінің «La vie en rose» атты концертінде француз әндерінің жаңаша үні естіліп, романтикаға толы Франция мәдениеті ұсынылды.
Айта кетейік, Гүлнәр Көшенова «Х-фактор», «Қазақстан дауысы», «Top jargan» сынды тележобалардың финалисі, республикалық және халықаралық байқаулардың лауреаты ретінде танымал. Әншінің репертуарында поп-музыка, джаз, ретро, романс бағытындағы туындылар бар.
Аталған кеш «Астана сазы» этно-фольклорлық ансамблінің сүйемелдеуімен және белгілі музыкант-мульти инструменталист Әділжан Толықбаевтың қатысуымен өтті
Француз музыкасына арналған концертте Мирей Матье, Эдит Пиаф, Джо Дассен, Ив Монтан, Изабель Жеффруа (Zaz) сынды атақты әртістердің әндері, танымал кинофильмдер мен мюзиклдердің композициялары француз және қазақ тілдерінде орындалды.
