Тәжірибелі әкімдер іске кірісті

Мұнайлы өңір орталығы –Атырау қаласы мен Исатай ауданын басқаруға жаңа әкімдер тағайындалды. Бір ерекшелігі, жаңа қызметтеріне кіріскен әкімнің екеуі де өңір жұртшылығы үшін бейтаныс тұлғалар емес. Мәселен, өңір әкімі Б.Ізмұхамбетовтің өкімімен Атырау қаласының басқару тізгінін Нұрлыбек Ожаев қолына алды. Осы кезге дейін Исатай ауданына бір жылдай басшылық жасаған Н.Ожаевтың мемлекеттік қызметте айтарлықтай тәжірибесі бар. Бұрын Махамбет ауданының әкімдігінде түрлі лауазымдар атқарып, кейіннен Атырау қалалық және облыстық әкімдіктерде аппарат басшысы ретінде мемлекеттік қызметтің қыр-сырына молынан қаныққан. Ал Исатай ауданының әкімі қызметіне кіріскен Тұрарбек Сұл­тан­­­­­бековтің есімі де, атқарған қыз­­мет­тері де исатайлық тұрғын­­дарға кеңінен таныс деуге болады. Өйт­кені, ол еңбек жолын осы ауданда бас­тағаннан бері түрлі қызметтерде тәжірибе жинақтады. Тіпті, былтырғы маусымның ортасына дейін аталған ауданның   болып еді. Содан кейін бір жылға жуық облыстық жер қатынастары басқармасына бас­шылық еткен Т.Сұлтанбековке өңір әкімі тағы да сенім артып, Исатай ауданын қайта басқаруға жіберді. Жолдасбек ШӨПЕҒҰЛ, «Егемен Қазақстан». Атырау облысы.