Ол күндізгі сессияда 48 келі салмақта түркиялық Эриван Барутпен жұдырықтасты.
Бірінші раундта төрешілер Алуаның басымдығын бірауыздан қолдады. Ал екінші раундта төрешілердің үшеуі оған дауыс берсе, екеуі түркиялық спортшыға қолдау білдірді.
Үшінші раундта да Алуа сенімді ойын көрсетіп, нәтижесінде қазақстандық боксшы қыз жартылай финалға жолдама алды. Бұл - кем дегенде қола жүлде қоржынға түседі деген сөз.
Алуа Балқыбекова бұдан бұрын Азия чемпионы атанған. 2022 жылы әлем чемпионатында күміс медаль алды.
