Аймақтар • 25 Наурыз, 2023

Қарағанды облысында 30-ға жуық адам қар құрсауынан құтқарылды

212 рет

көрсетілді

1 мин

оқу үшін

25 наурызға қараған түні Қарағанды облысы Осакаров ауданында жергілікті маңызы бар «Приишимское ауылы - Шоқай кенті» тасжолының бойында жолаушылар мінген автобус қар құрсауында қалған, деп хабарлайды Egemen.kz.

Маржан ТІЛЕУБЕК

Қарағанды облысында 30-ға жуық адам қар құрсауынан құтқарылды

Қарағанды облысы ТЖД мәліметінше, Астана-Алматы бағытымен келе жатқан автобус Осакаровкадан 50 шақырым жерде тоқтаған. Оқиға орнына ТЖД күштері жіберілген.

«Өрт сөндіруші-құтқарушылар автобустан 28 адамды, оның ішінде бір баланы Осакаровка ауылына эвакуациялады. Жолаушылардың бірі денсаулығына байланысты ауруханаға жеткізілді. Қалғандары медициналық көмекті қажет етпеді», делінген хабарламада.

Қарағанды облысының ТЖД өкілдері ауа райы нашарлаған кезде алыс жолға шықпау керегін ескертті.