Елордада «Сахнадан сәлем» атты театр фестивалі шымылдығын ашты

АСТАНА. 1 шілде. «Сахнадан сәлем» театр фестивалі көрерменге өз шымылдығын айқара ашты. Бұл туралы astana.kz хабарлады. «Сахнадан сәлем» театр фестивалінде Астана, Көкшетау, Қостанай, Жезқазған, Ақтау, Павлодар, Алматы қалаларынан, сондай-ақ, Махачкала қаласының М.Горький атындағы республикалық орыс драма театры (Дағыстан Республикасы) және Эрзурум қаласының мемлекеттік театры (Түркия), барлығы 13 театр ұжымы өздерінің қойылымдарын көрермен назарына ұсынады. Қ.Қуанышбаев атындағы академиялық қазақ музыкалық драма театрының көркемдік жетекшісі Болат Ұзақов: «Сахнадан сәлем» фествиалі Астанада екінші рет өткізіліп отыр. Біз елордаға отандық, шетелдік театр ұжымдарын да шақырдық», – деді. Аталған шараның алғашқы күнінде М.Байжиевтің «Тіл табысқандар» қойылымының тұсаукесері өтеді. Ал М.Горький атындағы Академиялық орыс драма театры үшін фестиваль Л. Агулянскийдің «Торғайдың ұясы» спектаклімен басталады. Жолдыбай Базар. Дереккөз: astana.kz. Фото: astana.kz.