Қоғам • 25 Сәуір, 2023

Оралда қоқыс жәшігінен табылған нәрестенің жағдайы айтылды

688 рет
көрсетілді
1 мин
оқу үшін

Орал қаласында қоқыс жәшіктерінің бірінен жаңа туған нәресте табылғаны туралы хабарланған еді. Батыс Қазақстан облысының денсаулық сақтау басқармасы сәбидің қазіргі жағдайы туралы айтты, деп хабарлайды Egemen.kz Zakon.kz сайтына сілтеме жасап.

Оралда қоқыс жәшігінен табылған нәрестенің жағдайы айтылды
Дәрігерлердің айтуынша, нәрестенің жағдайы интоксикация (улану), гипотермия (суық тию) және гипогликемия (қандағы глюкоза концентрациясының төмендеуі) белгілеріне байланысты орташа ауырлықта. Қазір нәресте облыстық көпсалалы балалар ауруханасында жатыр.
«Баланың салмағы - 2990 грамм, бойы - 52 см. Мидың КТ-сы бойынша гипоксия белгілері бар. Бұл жүктілік немесе босану кезінде балаға оттегі жеткіліксіз болғанын білдіреді. Кардиолог жүрегін УДЗ-ға түсіргенде 0,2 см ашық сопақ терезе диагнозын қойды. Ішкі мүшелердің УДЗ-ы бауыр паренхимасының орташа өзгерісі бар екенін көрсетті», делінген облыстық денсаулық сақтау басқармасының баспасөз қызметі таратқан хабарламада.
Дәрігерлердің айтуынша, нәресте ауруханаға жеткізілгенге дейін 7-8 сағат бұрын туған.