Петропавл қаласында коммуналдық тұрғын үй қорынан пәтер алу кезегінде мыңдаған адам тұр. Бұған дейін баспана бөлуде жергілікті шенеуніктер неше түрлі бұрмалаушылықтарға жол беріп, әділетсіздікке тап болған мұқтаж жандар тарапынан жоғары жаққа жолданатын арыз-шағымдар тасқыны тыйылмай келген еді. Міне, осыны ескерген облыс басшылығы қала әкіміне пәтер кезегі туралы ақпараттың қолжетімді болуын қамтамасыз етуді тапсырған болатын.
Соған орай, қалалық әкімдік пәтер кезегінде тұрғандардың тізімін тәртіпке келтіріп, жергілікті «Қызылжар нұры» және «Проспект СК» газеттері арқылы жариялай бастады. Мұның өзі жұртшылық қызығушылығын туғызып, жан-жақты қолдауға ие болып отыр. Әлеуметтік әділдікті орнықтыруға бағытталған осы игі бастама жүйелі жалғасын тауып, өрісі кеңейе түссе, құба-құп.
Кәрібай Мұсырман,
журналист.
Петропавл.
Соңғы жаңалықтар
«AMANAT»-та «Ұлы дала» әдеби байқауы қорытындыланды
Руханият • Кеше
Деректер журналистикасы бойынша оқу курсының таныстырылымы өтті
Аймақтар • Кеше
«Egemen» де, домбыра да сыйлады
Руханият • Кеше
Қасым-Жомарт Тоқаев «Жетісу» волейбол клубының жай-күйімен танысты
Президент • Кеше
