Айналма жүйе бойынша ұйымдастырылған турнирде Марат Еслямов жаттықтыратын Қазақстанның жасөспірімдер құрамасы Ресей, Қырғызстан және Беларусь командаларымен жасыл алаңда шеберлік байқасты. Алғашқы турда Ресей футболшыларына 5:0 есебімен жол берген жерлестеріміз кейінгі екі турда Қырғызстан құрамасын – 4:1, Беларусь жасөспірімдерін 3:0 есебімен тізе бүктірді.
Жарыс қорытындысы бойынша Ресей, Беларусь және Қазақстан құрамалары үш турда екі мәрте жеңіске жетіп, бірдей ұпай жинағанымен, доп айырмасы бойынша бас жүлде алаң қожайындарына бұйырды. Беларусь футболшылары күміс жүлдеге ие болса, үштікті Қазақстан құрамасы түйіндеді. Матчтар «Зенит» және «Олимпия» стадиондарында өтті.
