70 мыңға жуық жанкүйерді сыйдыра алатын Ференц Пушкаш атындағы стадионда өткен финалдық бәсекенің есебін бірінші таймның 35-минутында «Рома» шабуылшысы Пауло Дибала ашып, командасына басымдық сыйлағанымен, екінші таймның 55-минутында Джанлука Манчини абайсызда өз қақпасына гол соғып алды – 1:1. Матч соңына дейін есеп өзгермеген соң, футболшылар тағы да қосымша 15 минуттан екі экстра-тайм ойнады. Бірақ бұл кезеңде де жеңімпаз анықталмады. Ал пенальти сериясында «Севильяның» бағы жанып, өз тарихында жетінші мәрте Еуропа лигасында топ жарды.
Еурокубок бәсекелерінің финалында бірде-бір мәрте жеңілмеген Жозе Моуриньо биыл алғаш рет (Суперкубок финалын айтпағанда) күміс жүлдені қанағат тұтты.
