Құтқарушы • 11 Маусым, 2023

Суға түссең, сақтан!

264 рет
көрсетілді
1 мин
оқу үшін

Былтыр суға түсу маусымында Шығыс Қазақстан облы­сында рұқсат етілмеген жерге шомылған 7 адам ажал құшты. Төтенше жағдайлар департаменті алдын алу жұмыстарын жүргізгенімен, тәртіпке бағынбайтындар аз емес.

Суға түссең, сақтан!

Құтқарушылар шомылу мау­сымына қарай табиғи және жасанды су қоймаларының түбін тексеріп, тиісті дайын­дық­тарды жүргізді. Ал аптап ыстыққа байланысты төтенше жағдайлар қызметі су айдындарында ба­қылауды тіптен күшейтті. Шо­мылу мау­сымы басталғалы 100-ге жу­ық профилактикалық рейд жүр­гізілген. Сара­лап қарасақ, жазатайым оқи­ғалар көбінесе шомылуға рұқсат етіл­меген жа­ғажайларда болады екен.

«Аптап ыстық басталғаннан бері патрульдеу күшейе түс­ті. Әсіресе адам аяғы жете бер­мейтін жаға­лауларға қайық­пен жетіп, дем­алушыларға ескерту жасаймыз. Біздің қолдан келер жұмыс осы. Демалыстарына шектеу қоя алмаймыз. Ал қауіп­сіз­дікті сақтау – әркімнің өз мін­деті», дейді ШҚО ТЖД бас­ты­ғының орынбасары Арман Тоқанов.

 Қазіргі уақытта облыс аума­­ғында шомылуға арналған 21 учас­ке анықталып, 74 орынға тыйым салынған екен. Осы тыйым салынған шомылу орындарында 22 тыйым салу белгісі орнатылған. Оның үстіне, күн ыстық болғанымен, су әлі тиісті мөлшерде жылына қоймаған. Дене тартылып қал­мауы үшін судың жылылығы 20 градустан төмен болмауы керек. Демалушылар жоғарыда ай­тылған ақпараттарды ескеріп жүргені абзал. Ескертуге ба­ғынбаған азаматтар заң аясында жауапкершілікке тартылып, оларға айыппұл салынады. 

 

Шығыс Қазақстан облысы