Елорда • 13 Маусым, 2023

Астанада газ жылу станцияларының құрылысы қашан аяқталады?

289 рет
көрсетілді
1 мин
оқу үшін

Елорда әкімі Жеңіс Қасымбек қалада газ жылу станцияларының құрылысы қашан қолданысқа енгізілетінін айтты, деп хабарлайды Egemen.kz Астана әкімдігінің баспасөз қызметіне сілтеме жасап.

Астанада газ жылу станцияларының құрылысы қашан аяқталады?

Өткен жылы бас қаланы қосымша көлемде жылумен жабдықтауды қамтамасыз ету үшін екі газ жылу станциясының құрылысы басталғаны хабарланған еді.

«Елорданы аралау барысында «Тұран» және «Оңтүстік-Шығыс» газ жылу станцияларының құрылысымен таныстым. Олардың қуаты құрылысы ұзаққа созылған ЖЭО-3-тен асып түседі», деп жазды қала әкімі Instagram парақшасында.

Жеңіс Қасымбектің айтуынша, газ жылу станцияларын ағымдағы жылыту маусымында кезең-кезеңімен іске қосу жоспарланып отыр.

«Сонымен қатар мердігерге ЖЭО-3 құрылысын биыл аяқтау міндеті жүктелді. Осы шаралардың бәрі жылумен жабдықтау көлемін едәуір ұлғайтуға, сол сияқты болашақта құрылыс жұмысы жүретін аудандарды жылумен қамтуға мүмкіндік береді», деп қорытындылады Астана әкімі.