«Өзенмұнайгаз» қызметкерлерді жұмысқа заңсыз қабылдаған

«ҚазМұнайГаз» ҰК» АҚ Экономикалық және ішкі қауіпсіздік бөлімінің бастығы Ә.Атабаев «Өзенмұнайгазға» жұ­мыс­қа орналасу және ішкі коммуникация мә­се­лелері, мер­дігерлік ұйымдарды бас­қару мен мекеменің қаржы-шаруа­шы­­­лық қызметін тексеру қоры­тындыларын айтып берді.

- «Өзенмұнайгаз» аутс­таф­фин­гінің ­же­келеген қызмет­кер­лерін жал­ған жұ­мыс­қа орналас­ты­ру бойынша ақпарат­қа тексе­ру жүр­гізілді. Компанияға келті­­ріл­ген залалдың алдын ала сомасы 47 млн теңгені құрайды. Осы факті төңірегінде ҚР ҚК 361-бабы 3-тармағының 4-бөлігі, яғни лауазымдық өкілеттікте­рін теріс пайдалану бойынша ком­па­нияның лауазымды басшы тұл­ғаларына қатысты сотқа де­йінгі тергеу жүргізіліп жатыр», деді Ә.Атабаев.

Сондай-ақ сирек қолданыс­та­ғы ма­мандық иесі ре­тінде жұмыс­қа қа­былданған 238 адам­ның 17-сі­нің біліктілігі жоқ болып шық­­са, 33 адам қысқа мерзімде ком­па­ния­дағы өзге қызметтерге ауы­сып кеткен. Баяндамашының айтуынша, сирек қол­даныстағы ма­мандық иесіне деген сұ­ра­ныс­ты штатқа қабылданудың ама­лы ретінде пайдаланған.

Сон­­­дай-ақ Маң­ғыстау облысы оқу орын­дарының жал­ған сер­ти­­фи­каттары «Өзенмұнайгаз» ком­­паниясының штатына кіру үшін пай­даланылғаны туралы фактілер, «Өзен­мұнайгаз» АҚ Корпоративті оқу орта­лығының хат­тамасында комиссия мүше­лерінің атынан әлдекімдер жал­ған қол қойып, жұмысқа қабыл­дау процедурасынан өтпеген адамдарды инженер қызметіне қабылдағаны анық­талып, құзырлы орындарға жіберілген.