Келісім бойынша металлургия және пайдалы қазбаларды өндіру саласында Ғылым және технологиялар институты құрылып, инженерия саласындағы үздік неміс ғалымдарының тәжірибесі елімізде қолға алынады.
Жобаның мақсаты – Шығыс Қазақстан өңірін өркендету, әл-ауқатын арттыру және орнықты дамуын жүзеге асыру үшін зерттеулер, білім және инновация «білім үштігіне» негізделген платформа құру.
«Ғылым және жоғары білім саласындағы саясат білім мен ғылымды интернационалдандыруды кеңейтуге, тұрақты және тиімді байланыстарды қалыптастыруға бағытталған. Ынтымақтастық негізі үш түрлі бағытта жүргізіледі. Біріншісі – білім беру. Бұл металлургия, машина жасау, геология және тау-кен ісі, пайдалы қазбаларды байыту, тұрақты даму бағыттары бойынша екі дипломды және бірлескен кадрлар даярлау. Екінші бағыт – металлургия және материалтану, геодезия, геология және тау-кен ісі, тұрақты даму саласындағы бірлескен зерттеулер. Үшінші бағыт – инновациялар, ғылым мен өндірістің инновациялық кластерін, бірлескен ғылыми жобалар, бизнес-инкубатор құру және стартап жобаларды іске қосу. Эксперименттік өндірістер мен қанатқақты желілерді құру», деп түсіндірді Д.Серікбаев атындағы ШҚТУ басқарма төрағасы, ректор Сәуле Рахметуллина.
Металлургия және пайдалы қазбаларды өндіру саласында жаңа институттың құрылуы ел ғылымы мен технологияларын дамытудағы, сондай-ақ екі ел арасындағы достық қарым-қатынастарды нығайтудағы маңызды қадам болып отыр.
Шығыс Қазақстан облысы
