Екіншіден, Парламентте мажоритарлы жүйедегі, яғни бір мандаттық округтен сайланған депутаттар бар. Олар ең алдымен өңірлердегі өзекті мәселемен айналысуы қажет. Өңірдегі мәселелерді жергілікті аудан, қала, облыстық мәслихаттар депутаттарымен бірлесіп шешкеніміз дұрыс. Аймақтағы қордаланған сұрақтарды бірлесе талқылап, нақты іске асыратын болсақ, көптеген мәселені шешуге мүмкіндік туады. Егер қажеттілік туындаса, бюджет мәселесін заңнамалық тұрғыда өзгеріс енгізу керек болса, білек сыбана кірісуге әзірміз.
Мысалы, Маңғыстау облысын алып қарайтын болсақ, Жаңаөзен, Түпқараған, Бейнеу, Қарақия ауданына қатысты мәселе өте көп. Осы орайда, өңірдегі депутаттар хат жолдап, біз оларды министрліктермен кездестіріп, кейбір мәселелерді бюджетке енгізіп, араластық. Осы секілді ұсыныс-сауалдар әлі де келіп жатыр.
Сондықтан мұндай форматтағы форумдарды жиі ұйымдастыру қажет. Өйткені кез келген мәселені шешуде синергетикалық байланыс керек. Оның үстіне «Аmanat» партиясының қабылдаған сайлауалды бағдарламаны жүйелі іске асыруда Парламент пен жергілікті мәслихаттар депутаттары күш біріктірсе, көптеген мәселенің сапалы, уақтылы дер кезінде шешуге куә боламыз.
Еділ ЖАҢБЫРШИН,
Мәжіліс депутаты
