Экономика • 05 Шілде, 2023

Қаржы орталығы елімізге 8 миллиард доллар инвестиция тартты

300 рет
көрсетілді
1 мин
оқу үшін

Президент Қасым-Жомарт Тоқаев Астананың 25 жылдық мерейтойына арналған бауырлас қалалар форумында Қаржы орталығы елімізге 8 миллиард доллар инвестиция тартқанын айтты, деп хабарлайды Egemen.kz.

Қаржы орталығы елімізге 8 миллиард доллар инвестиция тартты

«Астана – болашағы зор қала. Осы орайда, біз «жасыл қала» идеясын жүзеге асыруға айрықша мән береміз. Елордамыз, ең алдымен, тұрғындарға ыңғайлы қала болуы керек. Астана – аймақтағы ірі қаржы орталығы. Әлемнің 75 елінің 2 мыңнан аса компаниясы бизнес жүргізу үшін Астана халықаралық қаржы орталығын таңдады. Бүгінде Қаржы орталығы елімізге 8 миллиард доллар инвестиция тартты. Бұл – жақсы көрсеткіш», деді Қ.Тоқаев.

Осы ретте ол әлемдік саясатшылардың Астананы бейбітшілік алаңы деп айтып жүргенін сөз етті. Оның айтуынша, ұстанымы бөлек, мүдделері кереғар елдер осында бітімге келген.

«Келешекте де Астана біздің геосаяси аймақтағы маңызды орталық ретінде дами бермек. Мен бұған кәміл сенемін», деді Президент.