Елорда • 06 Шілде, 2023

Астана - үлкен армандар орындалатын қала - Жеңіс Қасымбек

333 рет
көрсетілді
1 мин
оқу үшін

Астана қаласының әкімі Жеңіс Қасымбек Instagram парақшасында қазақстандықтарды елорданың 25 жылдық мерейтойымен құттықтады, деп хабарлайды Egemen.kz қала әкімдігінің ресми сайтына сілтеме жасап.

Астана - үлкен армандар орындалатын қала - Жеңіс Қасымбек

«Құрметті елорда тұрғындары мен қонақтары!

Астанамыздың 25 жылдық мерейтойымен шын жүректен құттықтаймын!

Астана - үлкен армандар орындалатын қала. Елордамызға еліміздің барлық өңірінен адамдар келеді. Мұнда білім алып, карьера жасайды, шаңырақ көтереді. Астанада биік арман-мақсаттардың жүзеге асуы үшін мүмкіндіктің бәрі бар.

Ширек ғасыр ішінде елордамыз арқа даласындағы 300 мың тұрғыны бар шағын қаладан ірі мегаполиске айналды.

Елорда тұрғындары осы уақыт ішінде 4 еседен астам өсті!

Елордамыздың қалыптасу жолында әрқайсысыңыздың орныңыз бар. Әрбір азамат қаламыздың дамуына өз үлесін қосып келеді.
Елордамыздың дамуы үшін жұдырықтай жұмылып, бірге жұмыс істейміз.

Елорда күні құтты болсын!
Сіздерге мықты денсаулық, отбасыларыңызға бақыт, зор жетістік және амандық тілеймін!», деп жазды елорда әкімі.