Аймақтар • 13 Шілде, 2023

Түркістан облысының Қазығұрт ауданында жаңа мектеп ашылады

367 рет
көрсетілді
1 мин
оқу үшін

Мәжіліс депутаты, «AMANAT» партиясы фракциясының мүшесі Ерлан Әбдиев Түркістан облысы Қазығұрт ауданының Аманкелді елді мекеніне барып, жалпы орта білім беретін мектептің құрылыс жұмысымен танысты, деп хабарлайды Egemen.kz.

Түркістан облысының Қазығұрт ауданында жаңа мектеп ашылады

Онда 150 орынға арналған қосымша мектептің құрылысын жүргізіп жатқан мердігермен және тапсырыс берушімен объектілерді салу процесінде туындайтын проблемалық мәселелер талқыланды.

Аталған нысан 2022 жылдың мамыр айында басталған еді, алайда қаржының жетіспеушілігіне байланысты құрылыс тоқтап, биылғы жылдың наурыз айында қаржысы бөлініп, қазіргі таңда құрылыс жұмыстары қарқынды жүргізіліп жатыр.

Сапар барысында депутат құрылысы жүріп жатқан Сарапхана ауыл округі, Майлыошақ елді мекенінен 200 орындық А.Байтұрсынов атындағы жалпы орта мектебіне барды. Білім ошағының құрылысын «Өмірзақ» ЖШС жүргізуде. Құрылыс 2021 жылы басталған. Осы жылдың желтоқсан айына дейін аяқталуы тиіс.

пр

Мәжіліс депутаты қос нысанды аралау барысында құрылыстың бірқатар атқарылуы тиіс жұмыстарына назар аударды. 

«Мектеп құрылысын жоспар бойынша осы жылдан кешіктірмеу керек. Бұл нысан партия тарапынан қазір толық бақылауда. Біздің сайлауалды бағдарламамызда  дәл осы нысандарды енгізіп қойған. Біздің қазір осында келу мақсатымыз жұмыстарды өз көзімізбен көріп, бақылауға алу», деді Ерлан Әбдиев.

оьл

Сондай-ақ құрылыс сапасына да баса мән беру керектігін айтқан депутат облыстық құрылыс басқармасына жұмыстарды қадағалауға алуды қатаң түрде тапсырды.